Nagpasalig ang Department of Energy nga ginahimo nila ang tanan agud mangin estable na ang power supply sa Visayas grid pinaagi sa pagbalik sang operation sang mga planta nga napaidalom sa maintenance kag pag dugang sang power supply halin sa Mindanao.
Suno kay DOE Secretary Sharon Garin, ang pinaka mahal nga kuryente amo ang wala gid sang supply sang kuryente.
Dugang pa niya indi mabatunan ang sitwasyon sa Visayas nga sinemana na nga adlaw adlaw naga bulos-bulos nga mga brownout.
Damlag pa ginsiling na ni Negros Occidental Governor Eugenio Jose Lacson nga indi manami para sa mga Negosyo ang amo sini nga sitwasyon
Kulang ang power supply sa Visayas gani adlaw-adlaw nga ginapaidalom sa Yellow kag Red Alert ang Visayas.
Kinahanglan nga ibulos-bulos ang brownout sa mga areas para mapaigo sa mga power companies kag electric cooperatives ang kuryente nga available.
Prayoridad sa karon sang DOE suno kay Garin ang nagakaigo nga power supply sa Visayas.
[sibwp_form id=1]