May nga baboy na nga nag positibo sa ASF sa Victorias City.
May halin sa local hog raiser, ang iban diri bag-ong deliver nga baboy halin sa Hinigaran kag gin deliver sa Victorias Food Corporation.
May manug baboy sa Barangay 5 nga nagpahibalo sa lokal nga panguluhan sang Victorias nga sunod-sunod ang pagkapatay sang iya nga mga nayon gani gin-test ang iya mga baboy sang kahapon kag may duha nga nag positibo sa African Swine Fever.
Sa random testing naman nga ginpatigayon sa slaughterhouse sang Victorias Food Corporation kag may pito ka mga baboy nga bag-o gid lang na deliver gikan sa Barangay Anahaw sa Hinigaran ang nag positibo man sa ASF.
Gani ginpauntat anay ang operation sang slaughterhouse sang VFC kag gin disinfect.
Suno kay Mayor Javi Benitez, ang epekto sa ekonomiya ang ila ginakahangaw-an gani ila ini gilayon nga ginpahibalo sa publiko para makahimo sang tikang kag mapangitaan sang pamaagi nga ma contain.
Ginpahibalo niya naman si Mayor Nadie Arceo sang Hinigaran.
Yara sa 16 million pesos ang hog industry sang Victorias gani luyag sang LGU nga mapangapinan ang iban nga hog raisers. Kalabanan sa ila naka pa insure sang ila nga mga baboy.
Aala man sang may inug-cull nga baboy sa Barangay 5 kay wala sang baboy nga yara sa sulod sang 500 meter radius.
Wala man sang iban nga baboy sa slaughterhouse sang VFC sang nag-abot ang delivery sang baboy halin sa Hinigaran.