Masobra sa 1,700 ka mga jeepney drivers sa siudad sang Bacolod ang magabaton sang isa ka libo ka pesos nga fuel subsidy card gikan sa opisina ni Bacolod City Lone District Representative Alfredo Abelardo Benitez.
Ginsiling ni Benitez nga ang tagsa ka mga benepisyaryo ang makakuha sang duha ka fuel subsidy cards nga nagabalor kinyentos pesos ang isa.
Ini ang sarang nila ma redeem sa isa ka designated gasoline station nga yara sa tagsa nila ka mga ruta.
Ginklaro man sini, nga ang tanan nga pwedi makakuha sang amo nga benepIsyo ang mga consolidated jeepneys lamang ukon ang mga nakarehistro sa Land Transportation Franchising and Regulatory Board.
Kapin sa 2 million pesos ang ginpagwa nga kwarta sang kongresista para sa amo nga programa. Ang pondo ang nag gikan mismo sa iya nga sweldo.
Suno sa iya, may ara naman ginahanda nga ayuda ang gobyerno nasyonal para sa mga jeepney drivers, apang basi madugayan pa ini nga mahatag.
Posible man nga may ika duha pagid nga hagna ang paghatag sang kongresista sang amo nga bulig sa mga drayber bangud sa nagapadayon nga krisis sa gatong.*
[sibwp_form id=1]