Ginkumpirmar ni Bacolod City Lone District Representative Alfredo Abelardo Benitez nga sal-on sang Social Housing Finance Corporation ang Yuhum Housing agud madayon ang pagpatindog sang 25 ka mga buildings sa Bacolod.
Ang Social Housing Finance Corporation, isa ka ahensya sa idalom sang Department of Human Settlement and Urban Development.
Ini ang sabat sang kongresista matapos nga nag-isol ang Scheirman Construction Consolidated Incorporated sa ila nga Joint Venture Agreement sa siudad.
Suno sa developer, imbis nga 25, walo nalang ang masarangan nila nga ipatukod bangud sa ginapangatubang nga krisis sang pungsod.
Kun mahuman na sang Schierman ang walo ka buildings, ang 17 nga nabilin, SHFC na ang magapadayon.
Suno kay Benitez, kinahanglan nga mag convene anay ang amo nga developer kag ang Sanguniang Panlungsod sang Bacolod agud ma-ammend ang nauna nga JVA.
Dugang pa niya, wala sang pagbag-o sa design kag presyo sang housing, apang ang SHFC nalang ang mapadayon sang housing project.
Ang ini nga housing ang kabahin sang ginapatuman nga Pambansang Pabahay para sa Pilipino Program ukon 4PH sa siudad.*
[sibwp_form id=1]