Nag idas ang mga salakyan kag mga supporters ni Robredo sa Bacolod-Silay Access Road sa Talisay City pakadto sa Silay City.
Ang mga salakyan may mga pink balloons, pink ribbons, drum beaters kag ang mga supporters naka pink man. Isa sa mga naghulat sa iya ang grupo nanday Gabby Cantero nga gikan pa sa Sipalay City.
Kagabi pa lang nagpa Bacolod na sila para lang masaksihan ang iya pag abot sa Negros Occidental.
Amo na lang ang ila kalipay sang nagtamwa sa van si Robredo kag hin pasalamatan sila. Suno sa organizers nga Negros for Leni kag Laban Leni Negros Occidental indi magnubo sa 1200 ka mga salakyan ang nagpasakop sa stationary caravan.
Nag courtesy call man si Robredo kay Negros Occidental Governor Eugenio Jose Lacson. Isa ka MOA ang gin lagdaan para sa 500,000 pesos nga medical assistance sang office of the vice president para sa probinsya.
Nag close door meeting si Robredo sa Bishops Palace kag nag tambong sa peoples assembly nga gin limitahan lang ang nag tambong.