Masobra sa 7,000 ka land title ang napanagtag sang Department of Agrarian Reform sa mga mangunguma Hwebes sang aga.
Samtang, P1.79 billion naman ang na condone sa agrarian debts.
Wala labot diri may masobra man sa P67.6 million nga balor sang farm machinery kaag support services ang gin turn-over.
Ginpamunuan ni DAR Secretary Conrado Estrella, III ang sa Manuel Y. Torres Memorial Coliseum and Cultural Center sa Bago City ang activity.
Ini ang gintambungan sang 4,500 ka mga Agrarian Reform Beneficiaries gikan sa Negros Occidental, Oriental kag Siquijor.
2,242 ka bag-o nga Certificates of Land Ownership Award ang gin-distribute kag 5,556 naman ang mga e-titles.
Sakop sini ang 5,524.42 hectares nga gin-award sa 4,788 ka mga ARBs.
15,000 naman ka Certificates of Condonation with Release of Mortgage ang na-issue sa 13,822 ka mga ARB sa Negros Oriental.
Na-condone sini ang P1.79 billion sa wala nabayaran nga land amortization kag interest sa idalom sang New Agrarian Emancipation Act.
71 naman ka mga Agrarian Reform Beneficiaries Organization ang nagbaton sang farm machinery, organic fertilizer kag agricultural inputs.
Suno kay DAR NIR Director, Lucrecia Taberna, wala naga pabilin sa land distribution ang tinutuyo sang DAR kundi pati na sa kabuhi nga mabuligan mabag-o.*