Shadow

Masobra 400 gindakop sa Neg Or sa pagsupak sang curfew sa sulod sang duha ka adlaw

Paghuni sang sirena impunto las diyes sang gab-i, naga hingagaw na sa pagpanghimos sang ila nga mga baligya ang mga negosyante sa boulevard nga masami gina tambayan sa Dumaguete City.

Nakahibalo sila nga sarang sila ma detain tubtob las singko sang kaagahon kun maabtan sang mga pulis.

Ang mga naga lagaw sa lugar naga hingagaw man pinauli.
Ang iban naman wala makahibalo nga may curfew gani gina sita sang gwardiya.

Ang mga pulis naga libot sa mga dalanon sang Dumaguete. Ang mga motorista nga malabyan sa dalan gina papuli.

Pasado na las onse sang gab-i may mga menor de edad pa nga naabtan ang otoridad sa dalan gani ginpang bitbit sila sa police station. Pati ang tiya sang mga bata wala makaluwas.

Sa duha ka adlaw nga pagpatuman sang curfew, 416 na tanan ka mga persona ang gin detain bangud sang pagsupak sa curfew. Ginpatuman ang curfew sa Negros Oriental bangud napaidalom sa Comelec control ang bilog nga probinsya.

Isa man ini sa mga nakita nga pamaagi sang Comelec para mapahagan-hagan ang vote buying. Karon sa gab-i na ang ulihi nga adlaw sang pagpatuman sang curfew. Suno sa Comelec wala pa man sang may na record nga election related violence sa probinsya

Secured By miniOrangeSecured By miniOrange