Nagakatulog ang duha ka mga caretakers sa payag sang nagsulod ang mga suspek sa game farm sakop sang Purok New Site, Barangay Minoyan sa banwa sang Murcia, Negros Occidental, Huwedes sang kaagahon.
Nakabugtaw si alyas “Silver” apang siya ang nalipong matapos ginlampusan sang suspek sa ulo, gamit ang matig-a nga bagay.
Ginsiling ni Police Capt. Honey Labaro, hepe sang Murcia PNP, base sa ila inisyal nga imbestigasyon, nakabugtaw man ang biktima nga si alyas “Ensoy”, 20-anyos, kag nagpukotay sa mga suspek tubtob siya ang nabun-an.
Sang naumpawan si “Silver”, iya na lang nakit-an si “Ensoy” nga nagahigda sa duta malapit sa pwertahan sang payag. May mga buno sa dughan si “Ensoy” kag naka-angot pa sa pilas sini ang kutsilyo nga gingamit sang suspek.
Gindeklarar nga dead on arrival sa Murcia Health Center si “Ensoy”.
“Bale subong, ongoing pa aton investigation bag-o lang kami naka-abot. So indi pa kami maka-establish sang motive kay it’s because wala pa naton makumpleto ang aton nga investigation and we are waiting sa pamilya kay ma-undergo pa post-mortem examination, ginahulat namon ang parents sang biktima”, suno kay Labaro.
[sibwp_form id=1]