Naga-atras ang isa ka Wing Van agud kuntani nga mag-parking sa ila motorpool sang nalapakan sini ang isa ka wala pa makilal-an nga babaye sa Barangay 10, Bacolod City, mga pasado la una Hwebes sang hapon.
Ginsiling ni kapitan Melvin Bravo sang Brgy. 10, indi residente sang ila barangay ang biktima kag posible pangayaw ini.
Ginabulobanta 35 anyos ang biktima, nakasuksok sang maong nga delargo, kag naka dark blue nga t-shirt.
Suno sa mga saksi, may ginapulot ang biktima sang siya ang nalapakan.
Nakatapos lang gid deliver ang truck kag manugsulod na kuntani sa ila motorpool sang nagluntad ang insidente.
Yara karon sa custodial facility sang Station 2 ang driver sang truck.
[sibwp_form id=1]