National Food Authority ang padayon nga naga haylo sa mga rice farmers nga mag avail sang Palay Procurement Program sang ila nga ahensya.
100,000 bags ang target nila nga procurement para sa sini nga tuig sa Negros Occidental.
Paathag ni Cherrybeth Gevero, ang branch manager sang NFA Negros Occidental, sa Palay Procurement Program mabuligan man ang NFA sa pag lambot sang ila nga kinahanglanon nga buffer stock. Ini ang gina gamit ukon panigana sa tion nga mag igo ang kalamidad ukon sa emerhensya.
Ang buffer stock nga gina require equivalent sa 15 diyas nga gina konsumo. Subong yara lamang sa isa ka adlaw ang buffer stock sang NFA Negros Occidental.
Sa karon P30 per kilo ang baklanay nila sang clean and dry palay nga may yara sang 11 to 14 percent nga moisture content.
Suno kay Gevero ang pag panghangkat nga ila gina atubang amo nga diutay lamang sa mga rice farmers ang maka comply mahimo tuga man sang kakulang sang facilities kaangay sang dryer.
Sa amo nga programa tuyo man kuntani nila nga mabuligan ang mga rice farmers labi na sa tunga sang gina paabot nga epekto sang Super El Niño.
Samtang, yara naman sa P21 per kilo ang baklanay sang fresh palay sa commercial. Breakeven lamang ini sa mga mangunguma.
“Actually naga reach out kami sa mga farmers, naga scout kami kung diin ang bal-an namon nga harvest. Kung kaya namon gina laktan namon. Kahapon nasa San Enrique, Valladolid and Bago City ako. Nag libot kami didto. Pero almost tanan nga ginkadtuan namon, together with our PS yung head sa quality, alanganin ang dry. Nasa 15 percent, so gina recommend namon for redrying. Kulang din facilities. Wala sang mechanical dryer,” suno kay Gevero.
[sibwp_form id=1]