Dakop ang isa ka driver sang modernized jeepney matapos makuhaan sang masobra isa ka kilo nga suspected shabu nga nagabalor P8,160,000 sa ginpatigayon nga buy-bust sa Barangay 12, Bacolod City, Biyernes sang kaagahon.
Ginsiling ni Police Major Eugene Tolentino, hepe sang Police Station 1, si “Ernesto”, 44-anyos, taga Brgy. 3 sa Bacolod, ang madugay na nila nga gina-monitor bangud isa man siya sa mga kaupdanan sang una na nagkaladakpan nga drug personality.
Sa karon, si “Ernesto” ang nagbulos supply sang iligal droga sa mga lugar nga anay sakop sang mga una nga mga nagkaladakpan, suno sa hepe.
Samtang, nagabalor P3,740,000 nga suspected shabu ang nakuha sa buy-bust operation sa Purok Hollow Blocks, Barangay Singcang-Airport sa Bacolod, mga las 11:43 sang gab-i, Huwebes, Hulyo 2.
Arestado sa nasambit nga operation ang duha ka mga persona nga ginkilala kay “Joaquin”, kag “Mark”.
[sibwp_form id=1]