Ginsulod sang duha ka mga armado nga suspek kag ginpa-arakan luthang ang magpamilya sa Purok Skid 8, Barangay Nabulao sa Sipalay City, pasado las 6 sang gab-i, Miyerkules, Abril 22.
Patay si alyas "Jona", 27-anyos kag ang iya 3-anyos nga bata nga si alyas "Ariela".
Samtang pilason ang isa pa gid ka bata ni "Jona" nga si alyas "Honey", 9-anyos, kag iya lola nga si alyas "Benigna", 62-anyos.
Sang mabatian sang minero nga si alyas "Remy" 46-anyos ang linukpanay, nagdali-dali siya kadto sa balay nila "Jona" kag siya ang gintiro man sang mga suspek.
Nalagyo ang mga suspek sakay sa motor.
Narekober sa crime scene ang 36 ka empty shells sang 5.56 mm nga bala.
Ginsiling ni Lt. Cipriano Lumanog III, deputy chief sang Sipalay PNP, posible M16 long firearm ang gingamit sa krimen base sa recoveries.
Gina-usisa pa sang kapulisan ang motibo sa incidente.*
[sibwp_form id=1]