Patay na sang masapwan sang mga residente ang 63 anyos nga si Bonifacio Catalogo sa Sitio Mabalwan sa Barangay Ani-e sa Calatrava.
Duguon kag madamo sang igu sang bala ang biktima.
Sa imbestigasyon sang PNP, nagapaharab lang sang baka sa nabukid nga bahin sang Sitio si Catalogo sang siya ang gin tiro sang makapila ka beses sang wala pa makilal-an nga suspetsado.
25 ka basiyo sang 9mm ang na recover sa crime scene.
Suno kay Police Major Robert Indiape, tatlo na ka mga persona ang napatay sadto ni Catalogo pero wala siya makasuhan bangud na areglo niya man ini sa mga pamilya sang iya mga napatay.
Mga himata niya abi ang iban sa iya napatay.
Isa ang pag timalos sa gina tan-aw nga motibo sang kapulisan sa pag patay kay Catalogo. Away sa duta ang isa pa gid sa ila gina lantaw nga motibo.
Padayon ang imbestigasyon sang PNP sa kaso.