Shadow

Masobra sa 2,000 ka mga pulis sang NOCPPO handa na magpabakuna

Ginpahayag ni Police Lieutenant Abegael Donasco na handa na sa pag pabakuna ang masobra duha ka libo ka mga katapo sang Negros Occidental Police Provincial Office nga makabig man nga mga frontliners sa away kontra COVID-19.

Suno kay Donasco, sa una nga batch sang vaccination, 118 ka personnel sang NOCPPO headquarters ang mapa bakuna kag 928 ka mga pulis sa nagkalain lain nga mga police stations sa probinsya.

Sa sunod naman nga batch suno kay Donasco ang nabilin nga mga personnel sang NOCPPO headquarters kag mga pulis sa mga police stations.

Ginpahayag man ni Donasco nga may 33 ka mga pulis nga indi pa makapabakuna sa karon bangud sa ang iban sa ila ang naga busong, nagapa breastfeed kag iban ang may comorbidities kaangay sang high blood pressure.

Wala pa man suno kay Donasco nila mahibaluan kun sa san-o maabot ang una nga batch sang bakuna para sa mga pulis sa probinsya bangud sa gina una pa sa karon ang mga naga trabaho sa ospital.

Leave a Reply

Your email address will not be published. Required fields are marked *

Secured By miniOrangeSecured By miniOrange