Shadow

Punong barangay sang Tangub nga bag-o lang gin reinstate, gin suspend na naman

Las dies kahapon sang aga nabaton ang suspension order angut sa kaso nga ginfile batuk kay Punong Barangay Noli Villarosa sang Tangub sa Office of the Ombudsman.

Tatlo ka bulan nga suspension without pay ang ginpamatbat kay Villarosa para sa simple misconduct base sa desisyon nga ginlagdaan ni Graft Investigation and Prosecution Officer II nga si Rogie Dela Cuesta Fernandez nga napetsahan August 12 sa Cebu City.

Ang desisyon may kaangtanan sa reklamo sang Barangay Kagawad nga si Dindo Amadeo sadtong may 2019 kun sa diin ginsumbag sya ni Villarosa sa isa kapehan malapit sa barangay hall.

Gintunaan sini ang indi pagpahibalo sa kay Villarosa sa ginpatigayon nga buybust operation sa barangay. Bagay nga sa press conference nga ginpatigayon ginhimutig ni Villarosa ang pagpanumbag.

Suno kay Villarosa ginahingabot siya sang siudad. Pila lang ka oras humalin sang siya ang liwat nagpungko kahapon bangud sang 6 months preventive suspension ginserbe sang City Legal Office ang bag o nga suspension order.

Suno sa iya ang magaserbe lamang sini ang tiglikom sang DILG.

Maga buhat sang legal nga tikang ang kampo ni Villarosa. Suno sa iya nga abogado nga si Joemax Ortiz sila ang maga file sang nagakaigo nga legal action sa indi madugay kag indi magpanaog sa barangay hall ang iya nga kliyente.

Sa pagsugilanon sang DIGICAST NEGROS kay Atty Joselito Bayatan ang city legal officer, iya ginhimutig ang pagserbe sang suspension order. Una suno sa iya wala sang ihibalo ang siudad sang Bacolod sa amo nga reklamo. Indi party ukon wala labot ang siudad sa pagserbe sini.

As of press time, wala nalambot sang DIGICAST NEGROS ang DILG angut sa amo nga suspension order.

Leave a Reply

Your email address will not be published. Required fields are marked *

Secured By miniOrangeSecured By miniOrange