Wala sa gihapon makilala ang bangkay sang lalaki nga nasapwan sa Sitio Lemoncito, Brgy. Quintin Remo, Moises Padilla, Hwebes sang hapon.
Suno kay Police Major Romulo Gepilango, hepe sang Moises Padilla PNP, gina bulubanta tatlo tub-tub lima ka adlaw na sa area sang nasapwan ang bangkay sa sulod sang kampo.
Yara na ini sa advanced state of decomposition sang masapwan sang residente sa lugar.
Ginabulubanta nga yara sa 30 tubtob 40 anyos ang pag edaron sang biktima, naka puti nga t-shirt, naka shorts, may suksok nga relo kag may tribal tattoo sa iya natuo nga butkon.
Panawagan sang PNP sa publiko nga kun may missing nga himata mahimo lamang makig angut sa ila.