Lokal nga opisyales ang nag pahayag nga ang impeachment sang bise president sang pungsod ang maga depende na sa nagakaigo nga proseso.
Tigayon man nga na-transmit sa senado ang Articles of Impeachment batuk kay Vice President Sara Duterte sang Miyerkules.
Pero ginsiling ni Senate President Francis “Chiz” Escudero sang Hwebes nga legally indi makapatuman sang impeachment trial samtang yara sa session break ang kongreso.
Suno kay Mayor Albee Benitez indi man niya lubos nga nahangpan ang nagakatabo pero para sa iya masunod na lamang ang proseso.
“I don’t know what’s happening kay daw nag adjourn man to ang Senate. But siling nila it’s the mandate of the Senate to hear that. Wala gid ko kabalo. Ang akon let the process go through”, suno kay Benitez.
Mahimo nga ang impeachment trial ni Vice President Duterte, matigayon na pagkatapos sang midterm elections sa Mayo kag ma desisyunan na sang mga bag-o nga grupo sang mga mamalidha suno kay Escudero.
Ang pinaka temprano nga Senate action sa impeachment mahimo sa June 2 na, sa tion nga mag reconvene ang current Senate.
Para kay Governor Eugenio Jose Lacson sa tion nga masugudan na ang impeachment trial ini ang paga bantayan sang publiko.
“One thing for sure is a lot of us will be glued in the TV and watching the proceedings”, suno kay Lacson.
Na impeach si Duterte sang House of Representatives bangud sang “violation of the constitution, betrayal of public trust, graft and corruption, and other high crimes”.