Mayor Albee Benitez natalana nga mag pirma sang kontrata para sa construction kag pag-manage sang command center project sa Barangay Taculing.
Apropado na sang konseho ang paghatag sang authority kay Mayor Albee nga mapirmahan ang kontrata para sa PPP project upod sa High Data Infra Corporation nga amo ang magapadayon sang construction sang Command Center Project sa Barangay Taculing sa Bacolod.
Ang original proponent amo ang maga-manage sang digital insfrastructure project nga ginapaabot mas maga pabaskog sang kampanya para sa peace and order kag emergency response paagi sa iga-install nga mga CCTV cameras sa siudad.
Ginpayahag sang alkalde nga panugod pa lamang ini sang ginapatuman nga digital transformation sang siudad para mapabaskog ang geographical information system.
Nagapati siya nga ini ang ginakinahanglan agud mangin basehan sa ginaplano nga mga proyekto kag iban pa nga programa nga mas maka paayo sang pag serbisyo sang siudad sa pumuluyo sa palaabuton.