Shadow

Lacson nagapati nga indi nagakabagay nga iga sanction ang mga LGU nga may manubo nga vaccination rollout

Negros Occidental Governor Eugenio Jose Lacson nagapati nga indi nagakabagay nga iga sanction ang mga Local Government Unit ukon Local Chief Executive nga may manubo nga vaccination rollout.

Sini lamang ginsiling ni Presidente Rodrigo Duterte nga iya ginmanduan ang Department of the Interior and Local Government nga i-sanction ang mga LGU kag mga alkalde nga indi maayo ang nangin performance sa Covid – 19 vaccination program.

Suno sa gobernador kuntani dapat anay hibaluon ang sitwasyon sang natungdan nga LGU antes pa man papanaugan sang sanction. Sa mga probinsya ang may manubo nga vaccination rollout.

Suno kay Lacson sa nagligad man lamang nga tatlo ka semana nga nag-abot ang dalagko nga volume sang bakuna pero bisan pa indi man mahimo rason sa manubo nga rollout ang kakulang sang bakuna.

Ang LGU suno sa iya may obligasyon nga pabakuron ang vaccination program. Suno kay Provincial Administrator Rayfrando Diaz ginatutukan karon sang Negros Occidental ang aggressive vaccination program nga nagalakip sang pag promote sini gamit ang media.

1.8 million ang target nga mabakunahan sang Negros Occidental kag sa damlag nga report sang Department of Health sa Western Visayas ang probinsya isa sa may manubo nga nabakunahan sa target sini.

Leave a Reply

Your email address will not be published. Required fields are marked *

Secured By miniOrangeSecured By miniOrange