Shadow

La Castellana LGU naga tinguha maplastar ang evacuation kag salakyan kun kinahanglan mag-evacuate ang 37,000 ka pumuluyo

Ang bahin sa mobility ukon ang gamiton nga mga salakyan sa pag evacuate sang 37,000 ka pumuluyo kag kun diin sila ipahamtang ang gina tutukan karon sang La Castellana LGU sa ila contingency plan enkaso magsaka sa alert level 4 ang bulkan.

Suno kay Mayor Rhummyla Nicor-Mangilimutan, limitado ang salakyan sang banwa para maghakot sang gina project 37,000 ka pumuluyo nga ma apektuhan kun matabo ang alert level 4.

May mga dalagko nga truck sang pribado kag iban man nga LGU nga ila gina lantaw, bisan pa mga mini-bus kag ang bus sang Vallacar Transit nga mahimo magamit nila.

Damlag pa ginsiling sang Office of the Civil Defense nga sarang makabuhat ang LGU sang Memorandum of Agreement sa ila para man masabat ang amo nga kinahanglan.

Pero ginsiling man sang alkalde nga sa kadamo sang 37,000 kulangon ang evacuation sites sa mga kaiping nga lugar nga pwede mabutangan sa ila.

Bisan gani ang tent city nga igapahamtang sa Himamaylan ang indi makasarang sini gani naga lantaw man sila sang posible relocation sites sa Talisay, Silay kag bisan pa Bacolod.

Dugang pa niya, kun sa sur abi nga mga lugar, kag kun matabo ang worst case scenario, prone man sa lahar ang Himamaylan kag Binalbagan kag iban pa gid nga LGU sa sur.

Naga pabilin man sa gihapon nga option ang Panaad.

Sa Biyernes natalana nga mag present sa RIACC ukon Regional Inter-Agency Coordinating Cell ang La Castellana LGU sang ila nga contingency plan.

“But kun lantawon mo sa 37,000 people nga i-evacuate mo ang amon mga MOA indi gid ya kaigo. Gina plastar pa namon amon contingency plan. This is part of the contingeny plan ang transpo and evacuation centers nga dal-an sa ila nga may food”, suno kay Mangilimutan.

Secured By miniOrangeSecured By miniOrange