Shadow

Manokan Country i-demolish na sa madason nga semana

Manokan Country natalana i-demolish sa Enero 28.

Mayor Albee Benitez nagalaum nga matawhay nga magasaylo sa temporary nga manokan ang mga tenants.

Wala na sang nakita nga rason si Mayor Albee Benitez nga i-delay ang natalana nga pag pangudal kag pag-demolish sang SM Prime holdings Incorporated sa Manokan Country.

Gani sa Enero 28, ginapaabot niya nga wala na sang pagpamalabag kag hilway nga maga-transfer na ang mga tenants sa ila mga pwesto sa temporary nga manokan sa parking area sang malapit nga mall.

Ginsiling ni Councilor Celia Flor, pamuno sang Committee on Markets and Slaughterhouse sang konseho, maga-sapol siya bwas sa mga tenants agud nga ma-plastar ang mga kinahanglanon para sa ila hilway nga pagbalhin sang pwesto.

Nakasugtan sang mga tenants kag siudad nga pwede sila maga-operate pati sa dalan Ferrero Street magluwas sa ila temporary nga baligyaan sa mall.

Ang siudad ang natalana nga magapatuman sang road closure sa porsyon sang dalan Ferrero para sa mga tenants.

Secured By miniOrangeSecured By miniOrange