Mga 257 ka pamilya ukon 890 ka persona nga yara sa mga evacuation center sa La Carlota City ang ginapaabot maga pauli na sa ila nga mga balay sini nga Hunyo 13.
Ini suno kay Mayor Rex Jalandoon matapos nila nga gin-aprobahan ang rekomendasyon sang Local Disaster Risk Reduction Management Council.
Paathag ni Janlandoon ini sila mga pumuluyo nga naga istar sagwa na sang 6 kilometer danger zone.
Ugaling kay may accessibilty problem ukon may kabudlayan ang alagyan padulong sa ila nga mga balay ini sila ang gindala evacuate.
Karon nga manug bukas ang klase kag kinahanglan na nga gamiton ang mga eskwelahan nga naga serbe evacuation center agudto mangin regular naman ang school operations gintugutan na ang pagbalik nila.
Ginapaabot ang pag balik sang full in-person classes sa sining mga eskwelahan.
May anum naman ka bulan suno kay Jalandoon nga ini sila ang yara sa tatlo ka mga eskwelahan nga naga serbe evacuation center kag sila mismo ang naga ayo man nga maka pauli na.
Ang mga evacuees nga sakop sang 6km danger zone suno kay Jalandoon ang sayluhon na nila sa central evacuation center.
“For two reasons, ga request sila. Kalawig na. 6 months na. Tapos ang school naga request man nga gamiton nila kay nag nubo enrollment nila. Damo na problema sa eskwelahan mga estudyante. Duha gid gin discuss namon kahapon. It boils down nga nag decide ang disaster nga outside of 6 km danger zone paulion na lang anay”, suno kay Jalandoon.
Ang sa banwa sang La Castellana naman suno kay John de Asis ang pamuno sang Local DRRM, may na identify na sila nga mga lugar sa mga barangay nga sarang masayluhan sang mga internally displaced individuals.
May 1,329 ka pamilya ukon 4,210 ka persona ang yara sa mga evacuation center sa La Castellana.
Suno kay De Asis ila ginakilala ang memorandum nga dapat maga biya na sa eskwelahan ang mga IDP para magamit naman ini sang mga estudyante.
Padayon pa ang ila nga coordination lakip sa sa probinsya suno sa iya.
“Ma sunod man lang kami, ma coordinate lang kami kay province sang initiative para ma safe lang bala ang pag transfer sang IDPs sa mga open space, pero tig ululan na daan. Gina ano sang LGU nga maplastar gid ang ila kahimtangan mag transfer. Na ka monitor kami sang mga identified areas sa barangay, ma comply man ang barangay pero ang problem namon is ang Brgy Cabagnaan gid ya tungod kadako sang ila population”, suno kay de Asis.