Ginpadala sang probinsya sang Negros Occidental ang excavator sini sa La Castellana sa tuyo nga maka patuman sang clearing sa mga river channels.
Suno kay John de Asis ang pamuno sang local disaster risk reduction management office sang La Castellana, padayon ang muddy stream flow sa mga kasubaan sa banwa dala man sang padayon nga pag ulan.
Dugang na ni de Asis sa ila nga monitoring wala sang overflowing nga nagluntad.
Pero padayon sila sa gihapon nga naga bantay labi na kun may pag bara sa taytay kasubong man sa mahimo pag luntad sang flash flood.
Humalin sang May 13 wala na sang may na record nga major activity gikan sa bulkan Kanlaon, gani ang muddy stream flow ang tuga pa sang mga nabilin nga deposits gikan sa mga paglupok sadto sang bulkan nga gina anod ukon gina wash off sa karon sang tubig dala sang ulan.
“May instance nga may flashflood and ang bridge abi gamay ang buho kun may pag bara may chance nga magsaka sa gihapon. So gina monitor lang gid namon. And then ang province subong nagpadala sang excavator nga gina amat – amat to buhinan ang mga debris sa river channel”, suno kay de Asis.