Nag patigayon kahapon sang greyhound operation ukon surprise inspection ang mga katapo sang Bureau of Jail Management and Penology sa Metro Bacolod District Jail kun sa diin na recover ang mga nag kalain lain nga mga kontrabando.
Kabahin sa mga nakuha sa operation ang mga kahoy, sigarilyo, charger, baraha kag iban pa. Pero ang gina kabig major nga mga na recovery suno sa bjmp amo ang improvised weapons, mga kutsilyo kag tatlo ka cellphone.
Damlag pa gin pahayag ni Police Station 8 Chief Major Joery Puerto nga may nakuha sila nga impormasyon angut sa pag transact sang pila ka nadakpan sa buybust operation kag ila gina transaksyon ang yara sa sulod sang MBDJ.
Isa ini sa rason suno kay Atty Jairus Dogelio, spokesperson sang BJMP Region 6, nga gin prioritze ang greyhound operation sa MBDJ.
Ila usisaon suno kay dogelio kun bala may mga transaksyon gid man base sa na recover nga mga cellphones sa sulod sang jail.
Ila na ini gin turn over sa PNP agud mapaidalom sa digital forensics.