65 percent sang ila nga basic pay ang sarang nga mabaton sang mga empleyado sang Bacolod City nga qualified para sa performance based bonus ukon PBB.
Samtang, probinsya sang Negros Occidental ang maga process man sang releasing sang PBB sa mga empleyado sini.
Nabaton na sang Bacolod City ang memorandum gikan sa Department of the Interior and Local Government nga naga siling nga ang siudad qualified sa pag hatag sang PBB sa mga empleyado para sa Fiscal Year 2023.
Suno kay Atty Mark Mayo ang City Administrator, 65 percent sang ila nga basic pay ang iga-release.
Ginsiling ni Mayo nga ang City Budget Office amo ang maga pat-od kon sin-o ang mga kwalipikado nga makabaton sini.
May yara man sang maga baton sang pro-rated bonus base sa ila kadugayon sang serbisyo suno kay Mayo.
Samtang, ginsiling naman ni Atty Rayfrando Diaz, ang provincial administrator nga eligible man sa PBB ang mga empleyado sang probinsya. Ang deficiency lamang sang probinsya ang compliance sa ARTA certificate filing. Sila ang maga file sang appeal para diri. Ang probinsya ang maga proceed sa pag process sang supplemental budget para sa PBB. Ini ang 50 percent sang basic monthly salary sang mga permanent kag casual employees.*