Mga weak ash emissions sa summit crater sang bulkan Kanlaon ang padayon nga na-monitor.
Ini ang naglawig humalin 3 minutes tubtob sa 77 minutes.
Sini nga adlaw, Miyerkules may lima ka mga ash emission nga na-record sa bulkan Kanlaon, kaina sang aga.
Sang Martes maka duha man ka beses nga nag buga sang abo ang bulkan Kanlaon.
Suno sa PHIVOLCS ang ining mga events ang nag tuga sang grayish plumes nga may kataason nga 100 to 400 meters humalin sa crater.
Nag padulong ini sa general west.
Light ashfall kag sulfur odor ang gin-report sa Brgy Binubuhan, Ilijan, Ma-ao kag Mailum sa Bago City.
Nagapabilin sa Alert Level 3 ang bulkan Kanlaon.
Sa pihak nga bahin, mga sites sa Barangay Lalagsan kag Talaptap sa La Castellana ang ginalantaw sang Office of the Civil Defense nga possible permanent relocation sites para sa yadtong naga puyo sa 4 kilometer permanent danger zone sang bulkan Kanlaon.
Suno kay Office of the Civil Defense NIR Regional Director Donato Sermeno, III, ila na ini nga gin-submit sa Central Office.
Suno kay Mayor Rhummyla Nicor Mangilimutan wala gin approve sang Mines and Geosciences Bureau ang site sa Manghanoy bangud kinahanglan nga 250 meters ang kalayuon sa relocation site gikan sa fence sang sanitary landfill.
May ginpain na nga 14 million pesos ang Gobyerno Probinsyal gikan sa 50 million pesos nga fund nga gin-release sang Malacanang para sa development sang permanent relocation site sang 13 ka pamilya ukoon 36 ka indibidual gikan sa 4km permanent danger zone.
Gina hulat sang probinsya ang program of works gikan sa La Castellana kasubong man ang clearance gikan sa MGB kag PHIVOLCS para sa site nga paga tukuran.
“Ang La Castellana may earlier nga request sa PHIVOLCS nga mag vet sang ila nga mga proposed nga mga sites. So, included I think ang Manghanoy didto pero ang PHIVOLCS kag MGB ang may authority nga maghambal sina nga indi na pwede. So kami sa OCD, kun ano ang gina propose sang isa ka LGU gina buligan namon verify kag gina submit namon sa PHIVOLCS kag sa MGB. Last week ang Lalagsan kag Talaptap ang medyo may promisa gawa nga possible sa initial namon nga pag lantaw”, suno kay Sermeno.