Patay ang isa ka lalaki nga ginkilala kay alias Gaspar matapos nga masal-an nga kawatan nga nagsulod sa isa ka balay sa Purok 2, Barangay Liptong, Valencia, Negros Oriental kaina sang kaagahon.
Si Gaspar ang ex-boyfriend sang hinablos ang tagbalay nga si alias Peter, 80 anyos.
Sa inisyal nga imbestigasyon sang Valencia PNP, nagtext si Gaspar sa iya ex-girlfriend nga luyag niya makigkita diri.
Sang nakasulod na ini sa balay, nabugtawan si Peter kag gintiro si Gaspar gamit ang .22 caliber nga pusil sa pensar nga kawatan siya nga naka sulod sa ila nga balay.
Igo sang bala sa dughan ang ginkamatay sang biktima.
Si Peter ang gin-detain naman sa Valencia PNP kag padayon nga gina usisa.