Ginatugyan na lang sa Makaako ni Hermosila Adalid, isa ka teacher sa Bais City, Negros Oriental ang iya anak nga si Edsil Jess Adalid, kag misis sini nga si Alexis Gale, nga nagapabilin nga missing sa gihapon matapos ang magnitude 7.7 earthquake sa Myanmar.
Parehos nga mga teacher ang mag-asawa sa Mandalay International School of Acumen sa Mandalay.
Gina pangamuyo na lang sang iloy nga makita sang katapo sang rescuers gikan sa Pilipinas nga ara karon yara sa Myanmar ang iya anak kag misis.
Duha sila sa apat ka mga Filipino teachers nga missing sa Myanmar.
Luyag sang iya mister kag anak nga magbulig sa pagpangita sa ila sa Myanmar ugaling wala sila gindala didto bangud delikado pa ang sitwasyon.
Duha na ka tuig nga naga tudlo didto ang mag-asawa.
Naga istar sila sa isa ka unit sa 9th floor sang Building D sang Sky Villa, isa ka four-building residential property sa Mandalay.
Sa nabaton nga impormasyon sang pamilya, isa na lang ka building ang nagapabilin nga naga tindog.
Ang building D nga gina istaran sang mag-asawa ang wala nag collapse sa linog kag nag collapse na lamang ini sa natabo nga aftershock.