Ginsiling ni Atty. Ferdinand Topacio, legal counsel ni anay Negros Oriental Congressman Arnolfo Teves, Jr. gin apela nila sa Court of Appeals sang Timor Leste nga ma reverse ang desisyon sang korte nga pag extradite sa iya sa Pilipinas.
Dugang pa niya, mahulat sila sang 30 diyas para makaresponde ang Prosecutor General.
Nag-file sang extradition ang Department of Justice sang Pilipinas para sa extradition ni Teves bangud sa ginapangatubang nga multiple murder charges may kaangtanan sa pagpatay kay Negros Oriental Governor Roel Degamo kag siyam ka iban pa sang nagligad nga tuig.
Sang Hunyo 27, nag pagwa sang desisyon ang Timor-Leste Court nga ipabalik sa Pilipinas si Teves para atubangon ang iya kaso. Kun magpagwa sang desisyon ang korte indi pabor sa kampo ni Teves, ang extradition mangin final kag executory.