Mainit ang aga kag udto pero sa hapon uko sa gab-i may posibilidad sang pagbubo sang ulan sa Visayas kag Mindanao. Ini ang lakat sang panahon sa subong dala sang Intertropical Convergence Zone ukon ITCZ.
Ang ITCZ amo ang pagtabo sang hangin halin northern kag southern hemisphere nga naga resulta sa pag porma sang panganod nga nagadala sang ulan.
Suno sa PAGASA posible nga maga padayon ang ini nga weather condition sa Visayas kag Mindanao tubtob sa weekend.
Wala sa karon sang low pressure area ukon bagyo nga na monitor sa sulod kag sa gwa sang Philippine Area of Responsibility.
Yara ang Pilipinas sa transition sa Amihan season kag ginapaabot nga posible sa madason nga semana amo na ang pagsugod sang Amihan ukon ang cold and dry season.
Pero una na nga gin anunsyo sang PAGASA nga indi amo sina katugnaw ang dapya sang hangin nga mabatyagan kun ikumpara sa nagliligad nga tuig bangud sang El Niño.
[sibwp_form id=1]