![](https://i0.wp.com/digicastnegros.com/wp-content/uploads/2024/02/image-25.png?resize=810%2C456&ssl=1)
Narekober ang .38 caliber revolver sa isa ka apa sa Purok 4, Barangay Gomez sa banwa sang Pontevedra, Miyerkules sang hapon.
Ginkilala ang nadakpan nga si Gina Isiderio, 46-anyos, gina alegar imbolbado sa pagpanghold-up sa banwa sang Pulupandan.
Suno kay Police Major Romulo Gepilango, hepe sang Pontevedra PNP si Isiderio ang gina tumod nga apa nga nang-holdap sa isa ka negosyante sa Pulupandan sadtong Nobyembre 7, 2023 , kun sa diin nakuha sa biktima ang P25,000 nga cash.
Una na nga ginsiling sang Pontevedra PNP nga robbery ang kaso ni Isiderio bangud wala makadeklarar sang “hold-up” ang suspek bangud apa ini.
Apang ginklaro sang pulis nga ang akto sang pagpangawat sang suspek nga nanaya sang pusil ang makabig sa gihapon nga robbery hold-up.