Napatay sini nga aga ang babaye nga gintiro sang iya mga hinablos pasado las 9 kagab-i sa Sitio Beranio, Brgy. Lantad sa siudad sang Silay.
Ang biktima ginkilala kay Jossie “Neneng” Mondejar nga naga pautang sang kwarta. Ang mga suspek naman amo ang iya duha ka mga hinablos nga sanday Alfredo “Jun-jun” Bitalac, 18 anyos, isa ka estudyante kag Aljun Bitalac, 29, Intel Officer 1 sang PDEA.
Sa imbestigasyon sang kapulisan, naga istoryahanay si Neneng kag ang anak sini sa gwa nila balay, hinali lang sila ginsulong sang mga suspek. Gintiro ni Alfredo si Neneng sa iya nga ulo.
Ginhingagaw pa dala sa ospital si Neneng apang kaina sang kaagahon, napatay siya sa ospital.
Matapos ang insidente, nagpatigayon sang hot pursuit operation ang kapulisan kag didto na gin aresto ang duha ka mga suspek.
Away sa duta ang isa sa mga ginalantaw nga motibo sa natabo nga krimen.