Ang Barangay Banago isa lang sa mga coastal area sa siudad nga may madamo nga illegal settlers.
Gani kaina nakighinun-anon na si Councilor Vladimir Gonzales sa barangay council sa plano nga itukod ang nahauna nga onsite housing project.
Suno sa chairperson sang Committee on Urban Poor,Housing and Resettlement sang konseho, magatukod sila sang Inter Agency task force nga amo ang magahatag atensyon sa pagpatuman sang tikang agud linibo ang sarang makabenepisyo sa housing project nga ginaplano itukod sa Purok Mahimulaton, Katilingban kag Bayanihan.
Ginakalipay naman ni Barangay Banago Punong Barangay Ricky Mijares ang plano sang Benitez administration. Sa madasun nga semana maga upod sila sa public consultation agud mapatpat ang mga tikang para sa housing project.