Nakaagom sang 2nd degree burns ang 26 anyos nga lalaki matapos nakuryente sang iya natandug ang live wire samtang nagapangtakod sang tarpaulin sa Lopez-Jaena Street, Brgy. 31 syudad sang Bacolod sang kahapon.
Ginpahayag ni Police Lieutenant Dax Santillan, acting police station chief sang Bacolod City Police Station 6, ginkilala ang nakuryente sa kay Joemil Dela Cruz nga pumuluyo sang Purok Mainabyanon, Barangay Singcang-Airport, syudad sang Bacolod.
Gilayon naman nga ginbuligan sang Bureau of Fire rescue team kag iban pa nga mga volunteer rescue teams ang biktima nga gindala sa hospital si Dela Cruz.