Ginalantaw nga mahimo magadangat sa P1.9 billion ang ayuda nga mapanagtag sa mga magagmay nga sugar planters kag laborers nga apektado sang RSSI ang ila katubuhan.
Ini suno kay Department of Social Welfare and Development Sec Rex Gatchalian nga yari sa Bacolod sini nga adlaw para sa launching sang Performance-Based Grant for Sustainability sa idalom sang Kalahi-CIDSS.
Suno kay Gatchalian, ang P1.9 billion naga tumod lamang para sa mga apektado sa Negros Island. May validation nga gina patigayon gani sarang pa mag kambyo ang kantidad. Ang kada farmer kag laborer ang naga baton sang sulusobra sa P10,000 nga ayuda.
May mga apektado man sang RSSI gikan sa Capiz, mga bahin sang Iloilo kag Bukidnon kag sila ang may ayuda man.
Pasalig ni Gatchalian may naga kaigo nga pondo ang ahensya para sa sining nga programa kag ang yadtong mga apektado sang iban nga sahi kalamidad kasubong sang baha kag linog ang may mga ayuda man.
Suno kay Gatchalian antes mag takop ang 2026 makabaton na ang mga RSSI affected farmers and laborers sang ayuda sa idalom sang emergency cash transfer. As of September 18, P410.2 million na ang balor sang ayuda nga na-release sa sakop sang NIR.
[sibwp_form id=1]