Nasugdan na ang pag pamutang sang markers nga maga delineate ukon maga pat-od sang area nga sakop sang 4 kilometer permanent danger zone sang bulkan Kanlaon.
Suno kay Engineer Joan Nathaniel Gerangaya ang pamuno sang Provincial Environment and Natural Resources Office may duha ka ka mga poles nga may flag nga ila nabutang sang nagligad nga semana.
Luyag man nila nga ma test ang kapag-on gikan sa hangin sang sini nga markers nga naga taas sang 20 ka tapak.
Pero karon temporaryo anay nga nag-untat ang pag pamutang sang markers samtang gina hulat ang pag abot sang supply nga paga gamiton.
“Nagka problema lang ta karon sa supplies sang poles kag flags gina hulat man namon ang budget sa OCD kag provincial government”, suno kay Gerangaya.
Mga 40 ka poles ang iga pamutang suno kay Gerangaya.
Importante ang markers bangud may kabudlayan man sa mga yara sa lugar nga mag pat-od sang area sakop sang 4 km permanent danger zone.
Sa ini nga pamaagi malikawan ang unathorized access sa high risk zone suno sa PENRO.
Ang DENR suno sa iya ang maga pat-od sang points nga pahamtangan sang sini nga poles.
Kahapon nagsapol sanday Gerangaya kag pamuno sang Office of the Civil Defense para ma strategize ang installation sang markers.
“Sa field abi, while naga ano kita nga may ara 4km permanent danger zone ang taga didto waay na ya kabalo kun diin na nayon. That is why kinahanglanon gid guro butangan sang mga markers. Ang mga markers amo na ang daw poles siya, daw flag poles para makita layo pa kag mabal-an supposedly sang tawo nga indi na da pwede”, suno kay Gerangaya.