Shadow

Indi na magbaton sang walk-ins sa malls sumugod sa bwas

Sa pagbukas sang SM City Mall sa Bacolod kaina sang aga, liwat nga nagdugok ang tawo.

Isa ang nubentay uno anyos nga si Remedios Sedava sa mga naglinya.

Pero wala napaiway ang pagbangigay sang mga nagapila kag sang mga nagabantay nga security guards sa gwa sang mall.

Mas nangin tensyonado ang sitwasyon sang mainitan na ang mga nagapila, ilabi na mga senior citizens nga magapabakuna para sa ila nga second dose.

Nahangpan naman sang tagdumalahan sang mall nga madamo ang luyag magpabakuna para mapangapinan batuk sa Covid-19. Pero nagapangabay sila nga kuntani magsunod sa minimum health protocol.

Gilayon naman nga nag-inabot ang mga pulis agud mapaiway ang kinagamo kag mapasiguro nga ginapatuman ang physical distancing.

Suno kay Bacolod Emergency Operation Center executive director Em Ang, agud nga mapaiway ang tension sa mga vaccination center sa mall, ila anay temporaryo nga pauntaton ang pagbaton sang mga walk-ins sumugod bwas nga adlaw.

Suno kay ang makapila nila ka beses nga ginpanugyan sa mga nagadugok nga kun mahimu magsunod sa minimum health protocol. Ila man ginsulit-sulit nga kutob lang sa A1, A2, A3 kag A5 nga walk-ins ang sarang nila ma-accomodate.

Gindugang pa ni ang nga nagapabilin nga updated ang online registration sang siudad para sa vaccination program gani indi na ginakinahanglan pa ang magpasimmpalad para sa bakuna.

Para man sa pamuno sang EOC ang pagdagsa sang tawo sa mga vaccination center patimaan nga madamo ang nagapati sa benepisyo sang bakuna kasubong na lamang ni Lola Remedios nga ginpanghagad pa ang iya apo kag anak para makapabakuna na.

Leave a Reply

Your email address will not be published. Required fields are marked *

Secured By miniOrangeSecured By miniOrange