Shadow

Bakuna sa ayala mall gindagsa, CHO ginakulang na sa tawo

Sa video nga kuha ni Atty. Maki-Angel Ascalon makita nga may mga naga pila na sa gwa sang Ayala Malls Capitol Central antes magbukas ang mall. Ang iban sa mga naga pila nag sulay sa init.

Pagbukas sang mall napa sulod ang tanan. Ini ang sitwasyon sa fourth floor kun sa diin gina patigayon ang bakuna. May pila para sa senior citizen, may pila man para sa Johnson and Johnson kag may pila man para sa AstraZeneca.

Ang iban nag pinungko na lang sa salog.

Si Joy Perono, sang Biyernes nagpila sa lain nga mall pero wala maabtan sang bakuna. Kaina las otso pa lang sang aga nagpila na siya sa Ayala.

Las onse sang aga tigayon na siya nga nabakunahan.

Ang OIC City Health Officer sang Bacolod nga si Dr. Edwin Miraflor, naga balik balik kag naga sulit sulit sa pagpahanumdom nga mag physical distancing.

Iya man ginapahibalo ang mga naga pila nga para sa residente lang sang Bacolod ang bakuna sa mall kag kun ano ang mga requirements nga kinahanglan.

May mga pulis sa sulod sang mall nga naga bulig sa pag patuman sang physical distancing.

Sulit sulit man ang pahanumdom sa mga naga pila

Dugay dugay nag sugod na ang Bacolod EOC sa pag panagtag sang numbers para kun tani mag halin anay sa pila ang mga tawo kag maglibot sa mall.

May mga nagkuha sang numero pero ang iban indi na maghalin sa pila.

Suno kay Dr. Miraflor, kulang sila sa tawo ilabi na nga may vaccination man sa mga barangay.

Gani padayon kuno sa karon ang ila nga hiring sang job order para magbulig sa pagbakuna.

Leave a Reply

Your email address will not be published. Required fields are marked *

Secured By miniOrangeSecured By miniOrange