Suportado sang katapo sang Sangguniang Panlungsod ang panawagan ni Councilor Al Victor Espino para ma-usisa ang allegasyon sang korapsyon sa Bacolod Traffic Authority Office.
Gintuad ni Espino nga magluwas sa motorcycle rider nga nangayo sang bulig sang gin alegar ginkilkilan sang nagpakilala BTAO personnel sang nagligad nga semana, may isa pa ka kaso sang ginapatihan korapsyon ang nakalab-ot man sa iya igtalupangod.
Nagapati ang konsehal nga malawig na nga wala maaksyonan ang problema kabangdanan nga nagakinahanglan ang pagtukod sang investigative committee nga amo ang maga-usisa sa mga alegasyon.
Ginpahayag naman sang pamuno sang BTAO nga si Police Major Junjie Liba nga tatlo na ka mga personnel ang iya napahalin sa trabaho tungod man sang mga reklamo sang gina alegar korapsyon pamatuod suno sa iya sang seryoso niya nga kampanya kontra korapsyon.
Bukas man si Liba sa pagpangusisa sang konseho agud man mapat-od kun may yara gid man sang nangilkil nga BTAO personnel sa motorcycle rider ukon wala.