
Administrative case nga gin file sadto sa anay pamuno sang Mambukal Resort ang gin-dismiss.
Gin-dismiss ni Negros Occidental Governor Eugenio Jose Lacson ang grave misconduct complaint nga gin file kay Ellen Marie Jalandoni, nga sadto Mambukal Mountain Resort Recreation and Welfare Services Officer V.
Gin-dismiss ang reklamo bangud sang kakulang sang substantial evidence.
Kasunod sang reklamo batuk sa iya ginsaylo si Jalandoni sa Vice Governor’s Office.
March 9, 2020 sang ginpapanaugan sang show cause order si Jalandoni base sa reklamo sang lima ka mga empleyado sang RBA Janitorial and Manpower Services may kaangtanan sa gina alegar misconduct kag irregular activities.
Ila gin-alegar nga wala sila nahatagan sang kinahanglanon nga supplies kag gin pa obra sang wala na nalakip sa ila nga line of service.
Ila man gin alegar nga gin mando ni Jalandoni ang ila nga unauthorized summary termination.
Nakasaad sa desisyon nga ang mga action ni Jalandoni ang may kaangtanan sa efficient nga pag manage sang resources sang resort kag indi ang pag pasilabot sa employment relationship sang RBA kag sang mga janitor sini.
Dugang pa sa desisyon ang action ni Jalandoni ang may angut sa managerial concerns kag wala naga tuyo sa pag bale wala sang kinamatarung sang mga trabahante.
Ang ebidensya nga gin-present batuk kay Jalandoni suno sa desisyon ang wala nakalab-ot sa substantial evidence threshold para manabat si Jalandoni para sa Grave Misconduct.