Shadow

Ika 123 nga Al Cinco de Noviembre gindumdom

Gindumdom ang ika 123 nga Al Cinco de Noviembre sa isa ka programa kaina sang aga sa Capitol Lagoon.

Sa isa ka performance ginbalikan ang maragtason nga hitabo kun sa diin ang pwersa ni Gen Juan Araneta sa sur kag Gen Aniceto Lacson sa norte, ang nag tiplang gamit ang amakan kag kawayan sa Spanish Forces sadto.

Suno kay Governor Eugenio Jose Lacson, ang ila nga pagkabaganihan ang ginadumdom. Ang pag-isa nila sadto suno kay Lacson ang dapat nga sundon sa sini nga panahon, kun sa diin ang gina away naman ang Covid-19 . Dapat mangin mainandamon kag mabinantayon subong sa kaaway naman nga virus suno sa gobernador.

Samtang, sa siudad naman sang Bago, gindumom ang Al Cinco de Noviembre paagi sa isa ka wreath laying ceremony sa monument ni Gen Juan Araneta. Ang programa ang gin pamunuan sang mga lokal nga opisyales sa pagpamuno ni Mayor Nicholas Yulo.

Sa Silay City, isa ka misa ang ginsakdag kasubong man flag raising cermony sa public plaza para sa Al Cinco de Noviembre upod sa mga lokal nga opisyales nga ginpangunahan ni Silay City Mayor Mark Golez.

Samtang, kadungan nga ginlunsar sa selebrasyon ang passport para sa Negros Culture Hub kun sa diin may siyam ka mga tour-stops ang pwede mabisitahan. Paga tatakan ang passport sa kada pagbisita sa amo nga mga tour stops kag may token nga kabaylo para sa maka kumpleto.

Ginlunsar man ang Biyahe Kusina. Tinutuyo sang mobile kitchen nga maka pa ambit sang skills training ang probinsya sa mga yadtong naga kinahanglan sini.

Leave a Reply

Your email address will not be published. Required fields are marked *

Secured By miniOrangeSecured By miniOrange