Layaw nga ido nga nakalab-ot sa sapa gin-rescue sang City Veterinary Office.
Ginrespondehan sang katapo sang Bacolod City Veterinary Office ang nabaton nga text message sang isa ka concerned citizen may angut sa layaw nga ido nga nahulog sa sapa sa kilid sang Bethany Court sa Barangay Estefania sa Bacolod.
Sang maabtan sang team ang ido, gilayon ini nga nagtinguha nga malagyo.
Matapos ang pag linagsanay, na-corner sang team ang ido kag natigayon nga nadakpan gamit ang mga catch net.
Gilayon nga gindala sang katapo sang City Vet ang ido nga ila ginhingadlan nga si Teddy sa City Dog Shelter.
Ginpahayag ni Assistant City Veterinarian Dr. Jec Cabuguason, iga-turn over nila sa animal welfare organization si Teddy agud nga may magatatap sa iya paagi man sa adoption program.
Masupog nga ginapatuman sang City Veterinary Office ang pagpangsikop sang layaw nga mga ido kag kuring kabahin sang pagpabaskog sang kampanya kontra rabies.