Modernized Jeepney nga nag “beating the red light” gin-issuehan citation ticket.
Nakalab-ot sa atensyon sang Bacolod Traffic Authority Office ining ginpasa-pasahan nga video sa social media angut sa modernized jeepney nga nag hingagaw sa intersection sang dalan Gatuslao kag Burgos.
Ginsiling ni BTAO deputy Jose Antonio Robello nga magluwas sang disregarding traffic lights, cited man ang driver sang modernized jeepney sang reckless driving tungod sang pag-counter flow.
P300 nga multa ang gin pabayaran sa violator.
Gindugang ni Robello nga magaserbe ini nga paandam sa iban pa nga traffic violator nga bisan pa indi sila maaktohan sang mga traffic personnel sa dalan, sarang gihapon sila ma-issuehan sang citation ticket.
Ginapaabot sang pamunuan sang BTAO nga matagaan ini atensyon sang mga operators ilabi na nga ginakinahanglan maamligan ang seguridad sang mga pasahero.