Shadow

Human Resource Management officer balik trabaho na

Capitol file photo

Balik na sa trabaho ang pamuno sang Human Resource Management Office sang Negros Occidental kasunod sang pagtapos sang 60 day preventive suspension sini.

Suno kay Atty Alberto Nellas, Jr, ang provincial legal officer sang Negros Occidental, Oktubre 4 nagbalik report sa iya ulihi nga assignment sa Cybercentre si Atty Anabelle Palic.

Nagtapos man ang iya nga preventive suspension kag balik na man ang iya nga benepisyo, padayon ang hearing sa kaso nga ginpasaka batuk sa iya. Siya ang ginreklamo sang pila ka mga empleyado kag retirees sang oppression, conduct prejudicial to the best interest of the service, grave misconduct ang for being notoriously undesirable.

Naga panugod pa lamang ang hearing. Samtang, ginakabig naman nga resolved ang kaso angut sa ginbakal nga grain dryer nga gina siling indi santo sa specification, nga ginfile batuk kay anay provincial agriculturist Atty Japhet Masculino.

Nangin simple misconduct ang kaso kag gin papanaugan na lamang sang warning ang duha ka iban pa nga nalakip sa kaso. Padayon naman ang hearing sa kaso ni Masculino angut sa isa ka milyon ka pesos nga balor sang catering service nga gina sukot sa probinsya.

Secured By miniOrangeSecured By miniOrange