Magapatigayon sang isa ka committee conference ang Sangguniang Panlungsod Committee on Energy and Public Utilities nga ginapangunahan ni Councilor Bobby Rojas kaupod ang mga tiglawas sang Hiraya Water Corporation.
Ini agud matalakay sa komitiba kun ano ang mga plano sang Hiraya sa paghatag solusyon sa problema sang mga residente sa suplay sang tubig.
Ginsiling ni Rojas nga una na nga nag promisa ang korporasyon sa iya nga ila himuon ang tanan agud makahatag sang maayo nga serbisyo sa pumuluyo sang Bacolod City.
Dugang niya, may mga initial naman nga plano ang Hiraya agud mapaayo ang ila serbisyo lakip na diri ang pagkaayo sang mga naga leak nga tubo.
Plano man nila nga hatagan sang dako nga pagtamod ang problema sa tubig sang tagsa ka Barangay.
Sa karun, ginahulat nalang sang komitiba nga makahatag sang petsa ang mga tiglawas sang Hiraya agud maka schedule na sang committee conference.
Hiraya Water Corporation ang nangin bag-o nga pangalan sang PrimeWater Infrastructure Corporation matapos ginbakal sang business tycoon nga si Lucio Co ang Primewater sang mga Villar.
[sibwp_form id=1]