Liwat nga nag ship out sang baboy ang probinsya sang Negros Occidental sa probinsya sang Iloilo.
Ginsiling ni Provincial Veterinarian, Dr Placeda Lemana nga sa sulod sang 40 diyas sandig sa requirement sang Iloilo Province, wala na sang may na record nga active nga African Swine Fever nga kaso sa Negros Occidental rason nga tigayon na liwat naka padala sang mga baboy sa Iloilo.
Martes nag sugod liwat pa gwa sang baboy ang Negros Occidental suno kay Lemana.
Halos duha ka semana na nga wala sang report gikan sa mga LGUs angut sa ASF suno sa Provincial Veterinarian.
Pero, nagapabilin sa gihapon nga banned sa Cebu ang mga baboy gikan sa Negros Occidental.
Samtang, presyo sang karne sang baboy sa merkado ang nagdangat sa P300 kag ang pinaka barato yara sa P220 ang kilo.
Ang sa live weight naman, P170 ang kilo sa Hinoba-an, gina kabig pinaka mataas santo man sa floor price nga gina patuman suno kay Lemana.
Ang may pinaka barato nga presyo ang Calatrava kag Kabankalan nga yara sa P120/kilo.
Paathag ni Lemana may mga farmers nga okay lang nga baklon sa ila sang trader sa mas barato nga presyo sang sa gin set nga floor price sang probinsya bangud gusto nila nga gilayon ma dispose ang ila nga mga baboy.
“Diri sa aton nagtawhay na. Kag subong nag start na kita ship out actually for Iloilo kay naka ano na ta sang 40 days nga wala sang positive. Kagahapon nag start na ta. Kay naka pasar na kita sa isa sa mga requirements sang Iloilo Province”, suno kay Lemana.
[sibwp_form id=1]