Patay ang hepe sang Guihulngan PNP sa Negros Oriental samtang pilason naman ang tatlo ka iban pa lakip na ang hepe sang Negros Oriental Police Provincial Office matapos mabungguan sang truck ang ila motorsiklo kaina sa highway sang Barangay Rizal sa San Carlos City.
Ang napatay amo si Lt. Col. Ruben Verbo. Nag angkun naman sang minor injuries si NORPPO Provincial Director Col. Germano Mallari.
Sa imbestigasyon sang PNP, nagadalagan pataklad ang motor ni Verbo upod sang angkas sini nga si Richie Dayday, kag ang motor nanday Mallari kag isa pa nila ka upod nga si Edwardo Aceñas.
Hinali na lang sila suno sa pulis nga nga bungguan sang nagadulhog nga dump truck sa pihak nga lane.
Nag malfunction ang brake sang dump truck gani ini ang nag bungo sa mga motor sang biktima.