Patay ang guardiya sang isa ka establisyemento komersyal sa 23rd Lacson Street matapos ini gin luthang kagab-i sa atubang sang isa ka cafe.
Ang biktima amo si Joefen Dequito, 42 anyos. Suno kay Captain Jonito Pastrana, hepe sang Police Station 2, ang suspek ang isa sa iya mga gin sita sang amo nga gab-i.
May tatlo abi ka persona nga sakay sa motor ang maga park kuntani sa kilid sang establisyemento apang gin sita ini ni Dequito gani nag saylo na lang sa pihak ang mga motorista.
Nag inom pa ang tatlo kag sang papuli na, ang isa sa ila amo ang nagbalik sa gwardiya kag iya ini gintiro. Posible nasuya ang amo nga suspek bangud sang pag sita gani iya gin tiro ang gwardya.
Padayon pa ang imbestgigasyon sang PNP sa identity sang nag tiro.