Shadow

Grupo nagapamatuk sa ginaduso nga Philippine Center for Disease Prevention and Control Act

Tiglawas gikan sa nagkalain-lain nga sector upod sa grupo nga nagapamatuk sa mandatory Covid – 19 vaccination ang nagapanawagan nga ibasura ang ginaduso nga Philippine Center for Disease Prevention and Control Act.

Halin sa house bill 6522, yara na karon sa senado ang hagna nga magatukod sang Philippine Center for Disease Prevention and Control Act ukon ang Senate Bill 1869. Butang nga labi nga ginakabalak-an sang katapo sang nagkalain-lain nga sector halin sa simbahan, academe kag bisan sang mga medical professionals.

Sa presscon sang ginhugpong nga pwersa sang grupo nga nagapamatuk sa mandatory Covid-19 vaccination, ginpakamalaut nila ang amo nga hagna. Nagahinyo sila sa mga senador nga ibasura ang hagna.

Para sa grupo, ang SB 1869 ukon ang CDC Act ang sarang mag-deprive sang kahilwayan sang isa ka individual pinaagi sa pagpatuman sang quarantine sa mga persona nga wala sang balatian, may yara man ini sang conflict of interest bangud may mga indibiwal nga exempted sa layi, magasupak man ini sang right to privacy kag makatalagam para sa ikaayong lawas pinaagi sa pagpatuman sang experimental vaccination.

Secured By miniOrangeSecured By miniOrange