Shadow

Grupo nga naga pamatuk sa mandatory vaccination nag caravan sa Bacolod kadungan sang Edsa commemoration

Kadungan sang pagdumdom sang ika 36 nga Edsa People Power nag caravan ang katapo sang XMan ukon grupo sang mga nagapamatuk sa ginakabig nila nga mandatory vaccination.

Halin sa Panaad Park and Stadium naglibot sila sa mga dalanon sang siudad.

Kabahin sa ginapamatukan sang grupo ang nagapadayon nga pediatric vaccination kag ang pagpatuman sang restrictions agud mapilitan ang publiko nga magpagpabakuna kontra Covid-19.

Nalakip diri ang pag-require sang vaccination card, negative rtpcr ukon rapid antigen test result, kag pagdula sang iban pa nga pribilihiyo.

Nagpondo ang caravan sa likod sang mall sa reclamation area kag nag-martsa pakadto sa public plaza.

Kadam-an sa mga nag-upod sa caravan mga kilala nga personalidad, mga negosyante kag iban nga professionals nga nagbitbit sang mga banners nga naga kontra sa ginapatuman nga vaccination program.

Ginpahayag naman sang mga local health officials kag bisan sang katapo sang Bacolod Emergency Operations Center nga ila gina-respeto ang desisyon sang mga indibidwal nga nagapamatuk sa vaccination.

Pero ginakinahanglan ang pagpatuman sang mga pagsulundan bahin sa mga unvaccinated agud man nga mapangapinan sila batuk sa epekto sang makamamatay nga balatian.

Secured By miniOrangeSecured By miniOrange